Документарниот филм „Беласица“ во режија на Марија Апчевска ќе биде премиерно прикажан денеска во 14.20 часот на првата програма на Македонската радио телевизија. Филмот го следи и го доловува богатото секојдневие на живеењето во заедница, за луѓето кои го поминале најголемиот дел од својот живот во институции.
Документарецот е изработен во рамки на проект финансиран од Европската Унија. Во продукцијата се вклучени кинематограферите Ѓорѓи Клинчаров и Фејми Даут, монтажерот Горан Вукич и дизајнерот на звук, Игор Поповски.
